永別了, 婆婆~~

今朝九點零出到紅磡飲茶, 一路飲一路見到今朝都會出席的親戚, 大家也在食早餐, 吃飽後就過番去靈堂lu, 上到去堂倌未到, 換好衫褲後, 又開始研究d花牌啦, 終於俾媽媽發現在內裏的玄機。事緣昨天到靈堂後, 望下D花牌有冇寫錯野, 見到肥仔同埋舅母外家的花牌放在一起, 都寫住"姻X", 那一刻大家都未發現到什麼, 只覺得佢寫錯了, 當左我已經嫁左來寫, 到今天, 媽媽再細看, 終於發覺, 外家那邊寫住的是"姻親", 而肥仔的係寫住"姻晚"的, 即係代表我未嫁架, 成班人圍住個花牌係到研究, 好攪野。

去到時, 婆婆已被送到下層預備大歛的靈堂了, 其他親戚也陸續到達, 但個堂倌竟然遲到, 佢黎到拿拿林同我地上服, 但係人地又催快D落下層, 因為要清場, 佢好快咁同我地攪掂後, 拿拿林又到落下坐啦, 結果我地坐在好耐, 堂倌一路預備, 我地咪又傾下計, 玩下咁, 到ling媽及黃師傅來到, 即係就快開始了。ling媽說這個堂倌不太好, 好懶。

十二點零, 終於開始儀式啦, 總覺得沒有上次那種裝嚴, 因為好似怱怱忙忙咁, 而佢地入去看媽媽陪葬物時, 就變哂廁所位。攪好哂儀式就上車啦, 過火葬場, 去到又係已經準備好哂lu, 拿拿林又開始, 超趕時間咁, 舅父按制後, 婆婆便真的走了, 再攪多少少儀式, 我們便紅磡食英雄宴了。吃過飯後, 再回正善裝香, 就回家了沖涼洗頭。

總覺得婆婆這次沒有公公那次那麼悲傷, 各人的神情也沒有異樣, 我只看見我哥拭淚。原來時間真的可以令到人接受, 接受事實後, 變沒有傷感, 希望婆婆在另一個世界, 與公公安安樂樂, 開開心心, 行得走得食得, 住大屋唔使憂啦。