拉鋸戰

今晚同左肥肥去左Califonia Fitness拎個什麼7日免費pass, 又係我唔知玩乜遊戲贏返黎的, 咁諗住拎完就pit啦, 點知我地變左會員lu。

我七點半去到, 同個sales傾左一輪, 參觀完後, 做埋個test, 緊係講錢啦, 如果新入會, 白金咭會員, 要$999入會費, $499手續費 (都唔知乜手續費咁貴), 再加每月$6xx月費, 先可以免費享用整間會所的設施同埋可以去邊一區會所都得。

但經過我一輪的拉鋸, 我竟然係成功咁將會價錢平左差唔多三分一, 家下我係白金咭會員 (但張咭係銀色的), 但fee左入會費, 手續費, 只係每月俾$254就可以免費享用整間會所的設施同埋可以去邊一區會所都得啦。

我都話呢d係海鮮架黎架啦, 同個sales講講下, 佢sale唔掂, 搵埋個經理黎話兩個人一齊入會, 俾多d優惠啦, 佢再俾的優惠, 都係俾到free入會費, 同埋月費$3xx, 我地又無動於衷, 佢又問, 你地有乜信用咭呀, 如果有, 會有其他優惠架喎。我話有呀, 咁仲有乜呢, 跟住就出現左而家的優惠了。我足足同佢拉鋸左個幾鐘頭呀。

其實我一路都知肥肥係好有與趣join來減肥的, 而我, 肥, 使乜減呀, 只不過佢要兩個人join先可以得到個咁的優惠, 我又被佢那裏的瑜珈班, 跳舞班, 太極班吸引, 所以我先肯join埋。佢d班係免費任上的, 有班book到就可以上了。還樹家下又放長短週, 多左個星期六出黎, 又無乜街去, 又係在家打機訓覺, 咁做下運動都好0既, 俾左錢, 就會有動力去做下運動的了。

後尾問番肥肥個妹, 佢之前係califonia做開gym的, 佢話$250算ok啦, 但係free埋其他費用就真係抵啦, 好在0者, 我成日覺得應該仲有得平的。