天有不測之風雲

今日難得唔使學車, 起身又見到陽光普照, 就想出到海灘曬太陽同埋下水禮啦。

飲完茶, 拿拿林返屋企拎野, 跟住就去黃金啦, 去到黃金三點幾, 成個路程都係好好太陽的, 點知到我換完衫出黎, 行到沙灘, 太陽伯伯開始被厚厚的雲層蓋著了, 諗住都係一陣架咋, 遮一陣會出番黎架啦。睇住舊灰雲由我左手邊到右手邊, 太陽伯伯都未出到黎, 雖然沒有太陽, 天氣仍然好熱, 但又有少少涼風。

再過左一陣, 望到碼頭那邊的天空上, 突然覆蓋著烏黑的雲層, 這時, 又響起天文台已發出雷暴警告訊號, 同埋又開始聽到雷聲了, 再加埋突然間好大風, 全沙灘人士立即飛快咁執野走, 我當然又即閃啦, 見沖身實在太多人啦, 而又好似打到黎咁, 就咁穿番d衫就走啦。個個都走得好狼狽, 因為實在來得太快了, 好在雨還未落, 飛快咁走去巴士站, 好在好快有962, 上左車, 行唔夠1分鐘, 就落起傾盆大雨了, 好在閃得快。

返到屋企, 個個都奇怪, 點解我濕都唔濕下, 返而媽媽同爸爸, 兩個去買餸的人, 濕哂。