尋晚基本上都知道今天不用上班的了, 所以仲睇埋衝上雲宵, 聽埋吳君如先去訓, 仲要訓唔著, 昨天的事情還沒有放下心情, 唯有同d公仔玩下先訓得著。六點幾, 老豆話我知, 八號風球啦, 唔使起身啦, 跟住就再訓lu, 訓到九點幾十點肚餓, 起身落街食早餐, 時風時雨, 條街又勁多人, 舖頭又多人食野。
返屋企無無聊聊無野做, 又要等兩點半, 兩點半前都未安全的, 因為落左就要返工了。肥肥就當風更, 無人同我玩, 咁就的起心肝去睇殯儀那本書lu, 我第一集看過少許了, 所以先看第二集, 睇完去左市中心食野, 吉吉島無開, 但係d舖頭仔食肆開哂, 食飽返歸無聊再看第一集。
晚飯前, 將這兩本書都看完了, 當初點解會看這兩本書, 都是出於好奇, 因為覺得這個行業真係幾神秘的, 又或是這個行業比較特別, 與鬼神總有關係的。以前小朋友時, 每年去玄圓學院, 每每見到道士在頌經, 在院子裏行來行去做法事, 我都超驚的, 係真係超驚, 唔敢直看並立即走開, 但估唔到, 自己會入讀一間在廟隔離的學校, 當初回校, 見到佛像都好靚的, 又聽埋好多鬼故事, 連廟都唔敢入去的, 每逢暑假回校, 又近七月節的時期, 靜靜的學校只有頌經念佛的聲音, 真的非常恐怖的。到後來, 第一次跟同學進入廟中行了一圈, 經過人地供奉的位置, 還是會敬而遠知的。 到後期, 有一個特別班房, 是在禮堂佛像的隔離上堂的, 無可避免, 日日都要行過, 後尾就唔驚了。到近年, 人大了, 沒有那麼害怕這些事情了, 到公公去世, 由極度怕去殯儀館到長生店, 到後期, 反轉靈堂, 自己一個在放工後到紅磡長生店的街都沒有問題了, 因為明白到, 只要平常心, 沒有害人的心便可行了。
書中所介紹的, 都是訪問這個行業不同岡位的人, 他們都是抱著平常心去工作, 由當初驚到震, 到現在任何事都不怕, 都是見得多, 了解得多而訓練出來的, 越到一些事情, 有些可以解釋, 而有些不能解釋的, 只是平常心, 沒有不敬之心便可行了。記得在福伯的訪問中, 得知他需要幫忙解剖的, 記得他說, 中國人的傳統思想, 死後捐出器官萬萬不能的, 但其實死後, 任何東西都只是一把火便沒有了, 何不將有用的捐出來幫助有需要的人。另一個訪問是殯儀agent, 她的訪問中, 都是在改變中國傳統思想的, 因為她提倡, 為什麼生人會為自己攪一個婚禮, 而不為自己一個葬禮呢? 就是中國人很抗拒提及死亡或是葬禮事宜。
我覺得呢本書其實都幾有教育意義的, 佛語有云 "萬般帶不走, 唯有孽隨生", 為什麼死後不肯捐出器官幫助有需要的人呢?
沒有留言:
發佈留言