飯局

一日兩個飯局, 全部都係生日飯。

放工閃返屯門, 同大少同埋光叔賀壽, 佢兩個是同月同日出生的, 之不過年齡差別就多啦, 十幾年, 哈哈。去到見到光叔叔, 沒什變化, 仍然都係成座山咁, 仲係咁型。跟住大叔同埋桐桐就到啦, 桐桐大個左好多, 以前的小新不見了, 大個女了。終於等到西瓜仔黎到啦, 佢真係好鬼過癮, 但係唔笑lor, 點玩都唔笑, 佢地話佢成朝無訓過, 可能扭眼訓, 同埋只係痴左佢爹爹, 成都唔離開, 邊個抱都喊, 連佢個mama抱都喊, 不過佢地話佢係咁的, 好痴個爹爹, 所以大少變左湊仔公, 但佢確實好似熟手過鄭小姐喎。

西瓜仔, 他的樣子, 被光叔形容為, 大少+鳯的貼紙相合成照, 因為西瓜仔的呆樣, 同鄭小姐係一模一樣的, 再加埋遺傳左的黑眼圈, 似到爆。有一刻佢是笑的, 那個樣子就同大少一模一樣, 好得意。整個飲茶的過程, 西瓜仔笑的次數不過五次, 但好攪笑, 走時, 講bye bye時, 佢就係咁笑, 自己同自己玩, 拍打自己的肚仔, 真係俾佢激死。

夜晚, 就去左荃灣的oliva同威爺和雲妮賀壽, 呢間oliva無元朗那間咁好食, 唔夠creamy, 但都ok。席間, 雲妮都終於宣佈結婚的消息了, 而威爺也正式宣佈他的婚訊了, 本以為佢早威爺兩個月, 點知係幾個月喎, 十月佢就會註冊了, 恭喜哂~~~

看見他們各自各為自已的婚禮而忙碌, 真係鄧佢地開心, 而我這個閒人, 還是hea下hea下, 結婚這個事項, 對我來說還是一種不實在的事, 結與唔結, 還是在hea住當中。