時間 : 約下午一時十五分
事發經過 :
如常放工, 約左媽媽肥仔太子等, 去行陣, 再到表姐家作家訪。如常在公司樓下過馬路, 過去撘104, 我將電話掛在頸上, 過馬路時, 它明明還在我的肚上彈下彈下的, 但當我過到對面, 行到泳池時, 發覺個肚點解好似無左d野彈下彈下0既, 個電話跌左呀~~~, 回頭看, 我好肯定無人會執, 一來後邊無人跟住我行的, 二來那個爛鬼電話, 執到賣都唔值錢。來回行了一轉都唔見, 再行一轉, 都唔見, 咁唯有望回對面, 會否在對面呢? 當我看完對面沒有時, 我的目光被吸引放於雙雙白線上的一個物體上, 我的電話呀, 真係我的電話呀~~~, 就在這一剎那, 好似怕戲咁, 有間的士在它的上邊經過, 竟然係無轆到佢, 只係在車底過, 我左看, 右看, 前看, 竟然同一時間, 在這條那麼繁忙的馬路上 (平時等無車過馬路都要幾分鐘的), 竟然一間來的車都沒有, 我鼓氣勇氣, 用去最快的身手, 將我的電話救回來, 但它......已經分成兩半了......一半係一個完整的電話, 一半係電, 即是我的電話被車車倒了。出邊的screen破了, 機身扁了, 但只有一條膠邊斷了, 還未爆出來 (後來被我玩了出來), 鏡頭沒有爆, 內裏的screen沒有事, 電還可以勉強放下, 但機已經不著了。
在這一刻, 我的灰勁灰, 雖然我想換電話, 但都不需要這樣死吧！這一刻又立即想找到一個電話亭的物體, 我想打電話話俾媽媽同肥肥知, 我個電話被車車死左呀~~~
眼看四周, 沒有電話亭, 只有7-11, 原來家下係無電話架, 那我就決定懷著這個很爛的心情, 到旺角再算吧。由於我還沒有約肥肥同媽媽再那等的, 所以這一刻, 除了爛心情外, 還需要想想如何找到他們。突然間, 想起我的電話賣點時納米科技, 係賣點唔會花的, 立即再拿出來再檢查, 確實是沒有花痕的, 只有一點點被壓在馬路上的凹痕。落車最近地點, 朗豪坊, 諗住入去商場的customer services問下有冇電話啦, 點知係無的, 咁大個商場, 沒有借電話服務, 有冇攪錯。好在看到不遠處有電話亭, 立即到7-11唱錢, 打電話, 可幸地, 我竟然有錢係身, 我係一個可以只有八達通就可以出街的人。
先聯終肥仔, 竟然留言, 唔係呀, 我唯有留言再說我在那, 在那等。再致電媽媽, 叫她先自行閒逛, 當我搵到肥仔後, 再找她。我終於等到肥仔啦, 終於有個人同我分享我的經歷啦, 好唔開心呀~~野都無心機食, 先去行行各電話舖頭, 有沒有手機可取, 但當看到那麼多的款式, 都唔知邊部打邊部, 部部又咁貴, 最主要唔喜歡。所以決定唔買住, 還樹都咁貴, 緊係買部鐘意的啦, 我唯有等我喜歡的機出先買啦, 現行先用住部大陸電話先。
電話, 電話, 你咁樣死, 我都唔知好嬲定好笑~~~
沒有留言:
發佈留言