澳門勁hea一天遊

晨早六點起來預備過大海, 先乘59X到太子轉地鐵, 一上巴士已見到全全了, 坐地鐵後, 在尖咀又見到阿邦在等雲妮, 那我們便一起行去中港城了。早餐未食先找回阿志及UNIQUE, 未見, 本想打算先去買早餐吧, 都係搵左先啦。是日早餐, 火腿扒飽, 早餐又係佢, 有時下午茶又係佢。

經過一個鐘頭船程, 到澳門了, 我們沒有帶書, 只在旅遊中心拿了一份地圖便算。跟著便往外邊先乘新葡京的免費穿梭巴士, 就開始我們的行程了, 我想現在在澳門旅遊, 撘賭場巴士是最方便的, 每間都有, 還不停地開行, 不同地方都可以去到。

到達新葡京後, 接到一張傳單, 說有獎抽, 而我們這些貪心的香港人, 還樹無目的, 不如便拎一張刮刮咭試試運氣吧。獎品並不是太吸引, 最多都只是一千蚊唔知乜禮卷, 但亦有五佰元的泥碼, 或者好運嬴了泥碼, 放在大細枱上賭兩手, 這個行程便有可能免費的了。正所謂貪心得個桔, 梗係乜都無走啦。

跟著我們第一站便去了吃澳門馳名瑪加烈葡撻, 都幾香幾好味, 而肥肥就同阿邦去左撐枱腳, 因為阿邦唔食葡撻的, 而佢又話隔離間咖哩麵好好食喎, 所以佢兩個走左去試, 我地食完接番佢。跟住我地又慢慢地行去澳門中心地帶, 名勝大三巴。雖然只係十點幾, 天氣唔係太曬, 但係都好鬼熱, 人又很多, 真的很多人, 在議事亭入口, 撘起了帳篷, 有大電視直播奧運會, 沿路入去, 就見到有關奧運的藝術展覽, 再行入去, 經過賣手信的地方, 一塊塊豬肉乾, 一把把較剪, 不停在眼前揮動, 全全還被豬肉乾界左一下添。

行到大三巴, 仍然好多人, 仲有福娃在旁邊點綴, 當然要來一張大合笑啦。跟住就行番出黎去十月初五街祥記食麵LU, 很可惜未開呀, 好多舖頭都未開, 或者太早了, 跟著我們諗住去食糖水, 但係又未開, 最終我地去左我最想食的豆腐花啦, 仍然那麼好味, 我很喜歡。麵家未開, 唔知去邊好, 不如早點兒過去威尼斯吧。離遠見到一座新的建築物, 不如行去看看是否賭場吧。沿路見到很多舊樓都被收哂啦, 我想將來應該都係發展成賭場又或者是大型樓宇了。原來那座新的建築物, 是何生發展的十六浦, 有賭場便有車撘, 所以決定過去一看, 望住佢, 都覺得好荒涼, 無乜人在門外行來行去, 又在一個舊區當中, 其實都唔知佢開門未。行到去, 係開左的, 只係無乜人罷了, 但入到賭場, 又好多人架喎, 不過呢個賭場超唔靚, 如果以一個咁大型發展來說, 沒有金碧輝煌, 又好光猛, 或者對著門口吧。我地去搵有冇車撘的同時, 肥肥去看人地賭, 佢話呢個賭場真係派錢的, 咩三公, 大小都係咁, 但我地無賭呀, 拎完車票返碼頭撘車去威尼斯。

到左威尼斯人渡假村, 架車入去的一剎那, 我覺得那樹好似迪士尼, 因為無論燈柱, 路牌都同迪迪尼一樣的。落左車, 入到lobby, 超多人, 一d人係到排隊check out, 另外一d就殺入去賭場。入到去, 我地先去左food court食野, 人很多, 食物都很多, 香港食物, 香港價錢。女子組負責買同食, 男子組負責等位同埋拎野食。這個food court的天花很美的, 抬頭便是藍天白雲, 沒有黑夜的。之後就行左個圈, 睇下貢多拉夠竟係乜。隻船其實唔多人坐, 睇的多, 百二蚊喎, 咁貴, 同埋只係在個商場到穿插, 係等同於變左動物園的動物一樣, 被人睇。佢又幾得意的, 那個船夫真係會唱歌的, 同埋會攪下氣氛咁, 但都幾無聊的。

之後就行番出去"乙水"仔到食豬扒飽啦, 我地真係三點鐘到到達, 已經見到有條長長的人龍了。一路排隊, 一路搵位坐, 天氣很熱, 所以個個都係為左支汽水同埋個飽0者。之但係, 個飽真係唔好食lor, 個飽縮左水, 塊扒又無汁, 感覺好乾, 我諗我唔會再去那樹食lu。之後諗住不如訂定位夜晚食飯啦, 但係間野六點先開, 無野做, 所以諗住行番去威尼斯, 晏d先返黎。呢個時候, 緊係要食番杯大菜糕啦, 炎熱天氣下, 吃一杯涼涼的大菜糕, 再慢步回威尼斯, 一樂也。

返到威尼斯, 無野做, 入左賭場, 玩下老虎機咁, 錢當然無嬴, 跟住就睇阿志, 同埋走去其他賭枱睇人玩啦。咁上下時間, 要行番出搵食啦, 但係去到那間餐廳, 那個姨姨說, 今天沒位了, 全部訂哂啦, 噢, 很失望。跟著便去左一間小小的餐廳食葡菜了。食物都ok呀, 其實我諗在澳門任何一間未出名的舖頭吃東西, 都會好吃的。因為我覺得澳門人, 很用心去做食物的, 但家下發展過盛, 很多都變質了。

吃飽後, 當然係買手信啦, 鉅記無走雞, 但d野貴左好多, 所以都是買點兒算吧。買完手信, 又行番去威尼斯撘車返碼頭, 黎到澳門, 點都要食番杯木糖布丁啦, 結果又一路行, 一路食。去到威尼斯, 夜晚的威尼斯都唔錯, 好過朝早。返到金沙, 都只八點零啦, 唔夠時間入金沙, 那便直接去夜遊漁人碼頭了。夜晚的漁人碼頭, 特式的建築物配合埋燈光的效果, 都幾靚呀。漫步過後, 就行番去碼頭撘船返香港lu。在船上, 個個訓到死豬咁, 而我同unique就係到傾計, 很喜歡這些lady's talk。

今次澳門之旅, 基本上都依足我們的行程的, 只係食唔到蝦子麵罷了。澳門現在給我的感覺, 沒有以前那麼舒服了, 一個地方要發展, 就會將舊有的東西拆掉, 真的很可惜, 還有過份的發展賭場, 令到澳門開始變得濁氣, 尤其是晚上, d燈燈勁閃, 但勁leung, 只係覺得金沙比較像樣吧了。今次澳門之旅都成功呀, 期望下次的旅程吧, 去邊好呢, 或者大陸啦。