BBQ - 西鐵燒烤樂園

今日約左伊中舊同事團拜, 仔仔一堂。利是進帳多四封, 即現在今年共收到57封利是。還有請不要再跟祝我明天派餅給你們了, 未來兩年我想都沒有這個機會的了, 如果你們真的很想食餅, 我買夠幾打給你們食好了。每次呢d問題響起時, 我總要去擋, 而死肥仔就只會坐著笑, 為何每次都總要我作出回應呢。

今日大叔仲帶埋阿女黎, 好鬼得意呀佢, 開頭都怕怕醜醜的, 但之後就唔怕lu。跟住就逢人同佢講, 去玩0羅, 佢就會俾你抱去玩架啦。我地帶左佢去睇魚魚, 佢係咁放隻手仔落d水到攪d魚。我都抱左佢一陣架, 我諗都唔夠兩分鐘, 因為佢太重啦, 抱完隻手好鬼痛。肥仔就抱得耐d, 有時佢仲主動咁搵人抱佢走去玩添。發覺肥仔真係好鐘意小朋友, 佢揍小朋友確實有一手, 個個小朋友都會跟佢的, 很可惜, 天時地利人和長時期都不能配合的關係, 令到可以擁有自己一個家的距離還要有很遠的日子。

見到光叔同佢玩時, 流哂口水咁, 佢恨抱孫恨到死呀, 佢同光嫂同阿女都唔知玩得幾開心。見到光叔兩公婆, 你就會見到「幸福」兩個字, 因為佢兩公婆幾十歲人仲sweet到痺呀, 有時真係會頂唔順架。光叔一就到時間, 就會去接老婆放工架啦, 跟住兩小口子, 一人一架單車咁踩住返屋企, 呢種情境, 我們這些都市人點可以擁有到呀, 閒時放假, 就會諗下同老婆契仔去邊樹到玩, 又或是拖手仔咁去買下餸, 行下街。佢時常都說, 兩公婆, 咪你就下我, 我就下你0羅。記得還有一次, 他在放長病假時, 上網捉棋直至天光, 他發覺差不多光嫂起身返工的時間, 就坐係張梳化到扮傻, 等光嫂起身時同佢講, 話訓唔著, 不如一齊去食早餐呀, 還樹好耐都無同你食過早餐啦。呢種善意的大話, 除左可以避免俾人鬧唔訓覺, 仲可以令到身邊的女人開心的話, 確是值得講的。如果將來, 我同肥仔都可以好似光叔光嫂咁sweet就好啦, 而肥仔又可以學到光叔一半咁去乙水我, 我已經心滿意足啦。又或是, 只怪我太聰明, 諗得太多, 又挑通眼眉, 咩都好容易咁俾我估到, 所以我先會覺得總係無人咁sweet咁。

今晚呢間西鐵燒烤樂園, 係正元朗西鐵站隔離, 方便到爆, 仲有留枱服務, 地方都好乾淨, 同埋都好大的, 野食方面都ok啦, 當然無大樹下咁好食lor, 但係勝在方便lor。