厭倦

我發覺我開始厭倦我現有的生活, 沒有任何事情可以為我作出一點兒的衝擊。

每日準時起身返工, 返到工, 睇am730, 睇蛇果, check email, 再check埋一開市, d股票的價位, 準時十點先正式開工。每天都總會收到technical team 鬧交的email, 唔係呢個卸, 就是那個卸, 當email朝日出左, 未來一個鐘頭, 實會聽到條pk同阿叔講番件事, 又是在你推我再推, 一個一個咁推, 一場鬧劇咁。

放工, hea hea下咁去撘船撘車返屋企, 落車見到肥仔路過, 順手"執"番我返屋企, 跟住又會行過見到媽媽返工。返到屋企, 咬下瓜子, 等埋哥哥食飯, 食完飯開始打機直至訓覺。

星期六返工, 更hea。肥仔返工的話, 就自己撘架"觀光旅遊巴" 962返屋企, hea下, 打機, 訓覺, 又或是一條友, 行足七個鐘頭街, 坐係starbuck到飲住涷朱古力, 等肥仔放工, 食過飯返屋企。肥仔唔使返工, 就要諗下呢個星期做乜好呢？每次也要我想, 我真的沒有什麼地方有興趣的了。

生活每日如始沉悶, 我還要等到何時才有點兒衝擊呢？書唔想讀, 野唔想學, 生活還有什麼意義呢？
很多野想做, 但沒有能力去做；很多地方想去, 但沒有能力勇闖。總覺得自己沒有將來的, 前途一片灰暗, 莫講話將來, 未來兩天都不能預算到。

算吧~~我還是繼續打機來麻醉自己吧~~