未出發先訓覺

今朝一起身, 就出發去舅公到睇醫生, 哥哥車我地入去天水圍, 而佢就車d湯入去錦田俾婆婆, 再出番黎接番我地。

第一次去舅公到睇症, 個感覺好古怪, 但係我同肥仔好似變左睇示範單位咁, 不停咁研究舅公屋企d擺設呀, 風景呀, 電話接收問題呀咁, 其實前後睇症都唔使半個鐘, 但係傾計呀, 就攪下攪下攪左成兩個鐘先走。哥哥接番我地後, 就番左去二宜樓飲茶, 飲完茶, 就返屋企啦。

返到屋企, 同肥仔玩左一陣, 跟住個個都好眼訓, 全屋人訓哂覺, 只係剩肥仔係到打機, 好攪笑, 佢一條友坐左係我床邊打機, 而我因為仲有感冒, 訓到豬咁, 哈哈, 訓到食飯先起身, 仲見佢打咁機, 個感覺好攪笑, 最難得係, 竟然佢唔眼訓。

食飽飯, 就開始執野啦, 首先要執左個手信車仔先, 我好似砌積木咁, 左砌右砌, 慕求攪到無位剩為止, 同埋有咁多放咁多, 唔使拎呀0麻, 而肥仔就幫我pack, 因為要札實佢, 唔係拉拉下跌哂出黎點算。

之後就要執老豆同阿媽d野, 都話佢兩個出門就好似搬屋咁架啦, 阿媽連風筒都帶埋, 佢話用唔慣酒店那種風筒喎, 激死人, 兩個人一個大篋, 不過有一半係放左d褸, 係買俾伯娘佢地的。我已經計好左啦, 返黎時, 將我同哥哥d衫都放埋入篋, 咁我同佢就會輕鬆d架啦。

明天又要一早起身, 好似平時返工咁啦, 不過迪迪慘d, 佢放假都要被迫一早起身車我地去上水, 哈哈哈。