爛聲王今日好磁性呵~~~

今早其實都不太願返工的, 但係今日瑪姬要去馬灣上workshop, 所以必定要返工。
那個什麼workshop, 咪又係吹水的如何做好customer service之類的工作坊啦, 上次那條友講0既野, 我都識講, 佢上次講左兩個鐘, 收左兩萬, 今次分兩個星期, 仲要全日, 我諗無十萬八萬都唔使落樓, 將d錢分俾我地好過拉, 佢吹水吹到爆。
本來我都要上的, 但係因為下個星期我放假, 所以應當今個星期上的, 但瑪姬上次無上過, 而我今日都唔得閒, 所以免疫, 由瑪姬頂上。

我今日一返到公司, 一開聲, 嘩, 你攪乜呀, 我通常都答, 今日把聲好sexy呀, 呵。平時老闆都會哦請病假, 但今日一聽到我同佢講野, 唔哦啦, 我把聲爛成咁。最攪笑係打去一個唔識的user到, 同個user講, 我係it bonnie, 但那個人聽到我把爛聲, 呆左一陣先識反應, 可能佢覺得, 唔係呀, 女人名男人聲???

今日勁busy, 好耐無試過星期六唔停手咁做野, 因為尋日無返, d野又唔知點解硬係人地無返先黎的, 所以係到勁快咁攪掂佢, 唔使留返俾瑪姬, 佢下個星期整個星期要一個人, 勁辛苦的。

放工, 拿拿林落荃灣飲茶, 跟住去拜阿公, 好在車可以上到去, 唔係咁落雨好難行。結果唔知點解都攪左成兩個鐘有多, 拜完阿公, 就返屋企睇多次醫生啦, 醫下把爛聲, 本來想去舅公到睇的, 但佢唔得閒, 明天先去睇, 清下d感冒, 返鄉下都開心d啦, 唔係把爛聲嚇死人。