吳同學

吳同學, 她是我的小學同學, 想當年亦是我最要好的同學仔, 我計過, 如由小五開始計, 我跟她已經認識了十七年 (因為我唔記得小五前, 有冇同佢同過班)。到左小學畢業前, 她亦由屯門搬到天水圍去, 距離遠了。畢業後, 各散東西, 大家入讀不同的中學, 所以少左聯絡, 但係那時電郵還未普及, 我們會用書信來往的, 開頭書信來往也比較頻密的, 但到左中學學, 同學多了, 活動多了, 再加上人又懶的關係, 書信往來越來越少, 而小學同學聚會也越來越少, 但那時每年都會收到生日咭的, 但隨著資訊發達的關係, 連生日咭都沒有寄出了。過左五年的中學生捱, 去到TI, 我們又聚頭了, 我們都入讀了TI, 但各修不同的科目, 有時在校會相見, 但各人同學的關係, 沒有很多的往來。

去到我讀HIGH DIP., DEGREE時, 我們都只會在小學同學聚會相見, 但每次見面都沒有陌生的感覺, 一個沒有機心的朋友, 還覺得很親切添。近年小學同學聚會密了, 見面多了, 而又隨著資訊的發達, 加上她轉了工, 沒有上一份那麼忙碌, 我們多用msn溝通, 感覺又親近了, 因為可以諗到乜, 即問, 即答。

而時興的blog, 很多朋友都有blog這個東西, 這個東西把各人的距離拉近了, 看blog也成為我每日的一個習慣, 雖然很多人會覺得這個東西會令到人與人之間的溝通冷淡了, 之但係, 如果無左呢個東西, 你又會否打個電話去問候下你身邊的朋友近況嗎?

今日無意中在陳同學的blog中見到吳同學的回應, 而給我無意中找到吳同學的blog, 她由06年3月28日關始她的第一篇文章, 記的都是一些日常事, 但係這篇文章的最後, 她寫下祝我「生日快樂」, 那一刻真係感到很窩心, 很感動, 因為咁多年來, 她還記得我的生日, 我沒有想過在別人的第一篇blog, 一個認識十幾年的朋友還會記得我的生日, 及在blog上寫上祝福。

吳同學, 多謝妳~~~

P.S. 吳同學, 其實每年我都記得妳的生日的, 之但係人老了, 懶+無記性, 所以連一點兒的祝福也沒有給妳。今年你將成為別人太太了, 現祝妳新婚快樂, 白頭到老, 早生貴子。