配眼鏡

終於配左眼鏡啦, 本來一路都的唔起心干去配的, 成日都行過睇下睇下咁, 之但係早兩日同事湛俾左張高登七折coupon俾我, 當堂令到我下定決定心配眼鏡。

飲完茶, 同媽媽去左高登到望下, d鏡框大部份都係名牌, 同超貴, 折左都要成千蚊一副, 但d框又唔係話特別靚, 只係多左個字係個框邊到咋0麻, 咁決定唔在高登配lu。行左去眼鏡88, 佢做咁promotion, 所有鏡片都可以減$200蚊, 而我一路都心儀住佢d框的, 所以call埋肥仔黎, 一齊配。

本來媽媽都一齊配的, 但係佢心大心細都唔知配咩鏡好, 所以佢放棄左走左, 只剩下肥仔和我, 我揀黎揀去都唔係好0岩心水, 因為好多膠框對我來說太大啦, 而有正常的, 顏色又太誇張, 而肥仔就揀半框, 佢好快揀到呀, 可能佢面大啦。最終我揀左副, 前面睇無野的, 正正常常棗紅色的, 但係框臂就會係粉紅色的, 好浮誇架。諗黎諗去, 我都唔使見客0者, 日日都係對住班粉皮咋0麻, 所以誇張下, 為生活增加一點先色彩啦。

夜晚就同肥仔兩條友係到NDS對戰, 好好玩呀, 呵~~~