Tortoise's Story Book: 蛇口黃昏遊

媽媽放假, 決定舉家無聊咁去深圳灣口岸, 試下一地兩檢。

五點幾, 由屋企出發, 去市中心撘B3X, 因為呢架車先會十五分鐘到關口, 否則在樓下撘, 成粒鐘先到。五點八準時開始, 過橋時, 風光如畫, 撞正日落不得了, 白泥日落靚到陣呀麻。未夠六點已經到關口啦, 關口係一個山卡拉地方來的, 連樹都未種到大棵, 但係俾人被覺唔太大陸, 好現代化。

一地兩檢意思即係在同一個BUILDING過完香港境, 再行前去就係中國海關, 唔使好似羅湖咁人迫人咁跑過那條橋。過左關後, 本想撘的士出去蛇口的, 但我地五個人, 加上無的士, 又見到有公車喎, 結果撘左兩蚊公車出番去市區。因為塞車, 撘左半個鐘先到, 先到WAL MART買野飲, 行左個圈, 俾關太見識下大陸的超市係點的。跟住就過去隔離的商場 (其實係通的), 這個花園成中心, 外表型造成高級商場, 需然無深圳的商場咁大, 咁宏偉, 但係佢確實係走高格調商場來的, 唔覺得見到D耳環係過千蚊一對的, 一個皮公事包三千六, 一條連身裙千五咁啦。但個商場整體都OK舒服的。

跟住就去左B&Q啦, 大陸的B&Q賣的是中國本土貨, 但絕對同外國貨有得揮, 見到D磚, 花款拍得住外國貨, 但價錢平幾倍, 唔錯幾靚架。我地又不停咁研究D 浴室按摩企缸, 幾靚OK架, 仲唔平添, 又係0個句啦, 趕走左我, 就可以裝修啦。

行完街, 就去食飯啦, 撘番車落左去蛇口的"時代廣場"的某一間酒樓食, 五條友, 六個餸, 食左二百幾蚊, 抵呀。食左一個叫做水煮跳跳魚的, 但無人知跳跳魚係樣的, 連阿媽都唔知, 但係超滑, 又無骨, 唔太辣, 好味。而呢間酒樓的廁所好攪笑架, 我地平時係四方型一格廁廁, 而佢係一個圓筒型一間的, 所以個廁所只容立到三格架咋。

食飽後, 就向海邊行出去啦, 這兒是一條酒吧街, 很多西餐廳, 日式餐廳, 高級酒吧, 仲有隻船叫做"海上世界", 隻船係真的, 改建成為餐廳。

散過步, 就搵車走啦, 但搵唔番公車撘, 搵極都搵唔到個站, 唔係帶住老豆, 大佬實搵落去。結果打番廿蚊的落番深圳灣口岸過關返歸啦。

蛇口的治安, 感覺上比深圳安全, 自己行在街上那種安全感都俾深圳好, 起碼入夜後, 沒有一D鼠眼望住你, 有人跟住你啦。而呢個區域又比較多外國人居住, 同埋唔知由乜鬼管轄的, 所以治安會比較好。