日光浴

今日放工, 響灣仔食過飯後, 就撘車去黃金準備我們的日光浴了。因為尋晚要上堂, 所以好鬼眼訓, 在車上恰一恰, 鬧鐘響時, 剛好開始轉落青山公路, 心情開始興奮起來, 我可以去玩了。

去到黃金, 兩點幾三點到, 慢慢由酒店行過去海灘, 今日完來有34.8度, 唔怪得之咁熱。到達海灘, 人不太多, 或者是還早的關係, 烈日當空, 點會有咁多人呀。之後去換衫, 再找個靚位曬太陽。

因為不方便的日子, 所以只可以曬太陽, 不停咁計住時間, 幾時轉身, 好驚曬得唔均混。海中人不多, 反而在曬太陽的多, 無靚仔, 但有d靚得好黑, 有body的男仔, 三點式泳衣的很多, 但只有一個吸引著我, 生身材不錯。訓係沙灘上, 微微的海風, 聽住梁靚茹的親親, 出一身汗, 一樂也。

曬到差唔多五點, 閃人, 返家沖涼, 竟然在回程的車程中, 見到同事, 噢, 好樣衰添, 好在平時都見慣我的顛樣架0者。返到家, 沖過涼後, 吃左個冰涷的甜西瓜, 就出門諗住去睇戲啦, 但係買唔到飛呀, 超多人睇變型金剛, 只賣剩頭幾行, 轉而買預售明天的, 但中間位都賣剩頭幾行, 痴線, 有無咁多人睇戲呀。

無戲睇, 就返食飯返歸打機lu, 唔知係咪出左身汗, 好鬼倦。