十二點等, 等佢同事黎車埋我地, 佢阿head真係好似張家輝一。時許便直達會場啦。到達後, 九龍灣展覺中心即係EMAX啦, 只可以用「死城」黎形容呢個地方。本票的簡介說會場會有十四個攤位遊戲, 美食攤位, 保齡球場, 同埋佢地會有競技比賽。
當到達會場, 登記吸左豬印之後, 入到去, "O"哂咀, 仲有滴汗。如果唔係肥仔要參加競技比賽, 我想會第一時間撘車走返德福食野。
那個會場, 只係一個hall, 放左真係十四個攤位遊戲, 兩個波波池, 一個美食攤檔咁LOR, 個地仲要係灰色的石屎地, 即時灰哂。那個美食亭, 還要用COUPON去換野食, 多除少補那種, 即係要自己俾錢, 三文治都$15件, 汽水$10罐咁lor。我玩左一個攤位遊戲, 贏左支街邊十蚊三支那種筆。
一點半, 集合時間到左, 佢地要fall in, 集齊後, 就練習佢地所參加的八人九足啦。基本上高矮肥瘦都有, 仲要係唔識的添。佢個盤出得最多架啦, 有四個, 變左主力。佢地一路練, 最大的老細不斷俾壓力佢地的召集人, 即係隔離村的經理, 那個鶉春經理, 係咁俾人兇, 佢老細不斷話唔好包尾呀, 頭三甲有獎金架。跟住個經理就"係係係"咁應佢, 差在未九十度鞠躬。
佢公司確實係一間大陸的公司, 所有高層的稱呼都要加上"總"字, 結果一影相, 就十幾隻"總"咁請上台。而致開幕辭時, 都係用國語的, 仲要有位俾你拍手掌的, 好好笑。跟住就到d部門經理玩遊戲, 無聊到死, 結果死左出去個商場到行左個圈, 呢個商場, 寫就有好多舖頭, 但係d舖頭完來係用一個舖, 而裏邊有個車仔檔, 咁就做生意啦。最抵死係我搵到個室內沙灘 (只係得沙, 無水的) 俾小朋友玩, 在那附近又有好多泳衣賣, 仲有滑水板, 同埋獨木舟添, 低能。
結果搵唔到野食, 又入番去, 因為得一間餐廳, 無小食賣的。返到去再坐等佢地玩遊戲, 期間, 結果都要食番美食亭的野食, 咁係唔好食啦, 不過肚餓無計。到比賽開始啦, 兩個回合佢d同撩都係包尾收場, 到佢地就尾三, 但總分都係包尾, 由頭帶到尾呀, 那條經理怕且都無好日子過, 炒得啦, 哈哈。
佢地終於玩完, 等埋個抽獎, 結果抽到個尾數獎, 有一百蚊city super copon, 再加埋輸左都有安慰獎都係一百蚊, 共賺了二百蚊禮卷走。上年響海洋公園咪好囉, 唔使玩埋d咁無聊0既野, 各自現樂, 又有表演睇, 唔使睇埋d經理玩遊戲呀。之後撘番車落番德福join埋哥哥, 迪迪同ling ling食野, 即刻食番個五香肉丁米黎頂肚, 成五點先食正式食個早餐兼午餐再加下午茶, 陰公。
食完返屯門買飛睇戲, 終於睇左史力加啦, 好好笑, 如果英文一定無呢個效果, 最好睇係d小動作, 佢畫得好好, 貓貓"妖"人的手勢勁似。睇完戲就返歸買野食, 兼打機啦, 玩wii filtness, 我係32歲, 迪迪36歲, ling ling同肥仔係六幾七十歲, 超爆笑。
+ 超無聊八人九足遊戲
沒有留言:
發佈留言