普通話課

今晚是普通話班的第一課, 我班共有十二位同事, 程度參差不齊, 有同事真的一句普通話都說不出的。老師不似外省老師, 只係很似一個普通的屋邨肥師奶, 但佢的聲線很響, 所有發音都很清晰。

第一課再學聲調, 不停咁讀, 只係聽老師所讀的, 跟住讀。我懂得看聲母韻母, 懂得何時倦舌, 發出什麼音, 但係不懂的同學真的只是跟著老師讀。不停地讀了一個小時, 才有休息時間, 之後繼續讀。這個課程的教材, 似乎都是為著那個什麼國家級的考試而設的, 但我基本上沒有想過考什麼試架喎, 不過算啦, 考考佢又無防呢, 及格的話又係公司俾錢的。

最後半個小時為介紹自己, 有一半的同學, 真的還是學生來的, 中七等升大學, 沒有東西好做, 就讀普通話。那位中七畢業生跟我說, 我的樣子很年輕, 我說, 但是我大你很多的。心中計一計, 原來跟他們的距離唔經唔覺有七年那麼久了, 我已變了一個老餅, 還後乜生呀, 但係回想, 當年十九歲的我, 今天在做什麼呢, 咪係一個未出社會做事的「粉皮」囉。